Muling pagsasagawa ng Philippine Environment Summit Kasado na! Aksyon upang maprotektehan ang kalikasan, isinusulong!

Muling pagsasagawa ng Philippine Environment Summit Kasado na! Aksyon upang maprotektehan ang kalikasan, isinusulong!

ni: Kian Hermosa

Cagayan De Oro – Ito ang napiling lugar kung saan gaganapin ang Philippine Environment Summit upang talakayIn ang mga isyung pang-kalikasan sa ating bansa. “Pangalagaan ang kalikasan!” Yan ang adbokasiya ng ikatlong beses ng pagdiriwang nito na gaganapin sa Grand Caprice Convention Center, Cagayan De Oro, mula Pebrero bente-sais hanggang bente-otso, taong kasalukuyan,  at may temang “Paradigm (re)shift: Heeding nature.”

Ang tatlong araw na programa ay daan upang talakayin ang iba’t ibang temang pangkalikasan gaya ng Safe food, Healthy Environment at Sustainable Economy. Naglalayon ang programang ito na matalakay ang mga isyung kinakaharap ng Pilipinas pagdating sa pagbibigay proteksiyon sa ating kalikasan. Isa rin itong pamamaraan upang kilalanin ang mga natatanging Pilipino na tumugon sa panawagan na pangalagaan ang kalikasan sa tulong ng kanilang mga inobasyon at imbensyon.

Binigyang diin naman ng Presidente ng Green Convergence na si Dr. Angelina P. Galang na isa itong hakbang upang pag-usapan ang lumalalang isyu pagdating sa Global Warming at Climate Change. Dagdag pa niya, napakahalagang isalba ang kapaligiran sa pagkasira dahil ang lahat ng tao ay dumedepende rito.

Matatandaan na ang naturang summit ay unang ginanap sa SM Mall of Asia sa Manila noong 2016, at Waterfront Hotel Cebu City noong 2018. Ngayon, sa tulong ng Energy Development Corporation (EDC) at Forest Foundation Philippines, umaasa sila na nasa isang libong kalahok ang makikisama sa Philippine Environment Summit. Samantala, bisitahin lamang ang kanilang opisyal na facebook page na Philippine Environment Summit para sa karagdagang kaalaman at paraaan upang makasali.